पिंपरी-चिंचवड:
चिखली परिसरातील स्पाईन रस्त्यावर नशेसाठी पैसे न दिल्याच्या वादातून एका तरुणाची दगड आणि बांबूने ठेचून निर्घृण हत्या करण्यात आल्याची धक्कादायक घटना उघडकीस आली आहे. लाल बहादूर राम (रा. हरगुडेवस्ती, चिखली) असे मृताचे नाव असून, या प्रकरणी चिखली पोलिसांनी एका आरोपीला जेरबंद केले आहे, तर दुसरा आरोपी अद्याप फरार आहे.
महत्त्वाचे मुद्दे:
-
घटनेचे कारण: नशा करण्यासाठी पैसे मागितले असता नकार दिल्याने वाद.
-
मृत व्यक्ती: लाल बहादूर राम (रा. हरगुडेवस्ती, चिखली).
-
आरोपींची नावे: कमलेश रामहरक शर्मा (वय २०, अटक) आणि कौशल सुदामा कनोजिया (वय २४, फरार).
हे सुद्धा वाचा: पिंपरी-चिंचवड महाराष्ट्रातील सर्वात स्वच्छ शहर ठरले -
घटनास्थळ: स्पाईन रस्त्यावरून कुदळवाडी ब्रिजकडे जाताना, आरंभ हॉटेलसमोरील झाडी.
-
दाखल गुन्हे: भारतीय न्याय संहिता (BNS) कलम १०३ (१) आणि ३ (५) अन्वये गुन्हा दाखल.
नेमकी घटना कशी घडली?
पोलिसांनी दिलेल्या माहितीनुसार, ७ नोव्हेंबर रोजी दुपारी दोनच्या सुमारास चेरी चौकाच्या पुढे स्पाईन रोडवरून कुदळवाडी ब्रिजकडे जाणाऱ्या मार्गावर ही घटना घडली. आरंभ हॉटेलसमोरील दोन रस्त्यांच्या मधील महापालिकेच्या मोकळ्या जागेतील झाडीत आरोपी कमलेश शर्मा आणि कौशल कनोजिया यांनी लाल बहादूर राम यांना गाठले.
आरोपींनी त्यांच्याकडे नशा करण्यासाठी पैशांची मागणी केली. लाल बहादूर यांनी पैसे देण्यास नकार दिल्याने आरोपींनी शिवीगाळ करत बांबूची काठी आणि दगडाने त्यांच्या डोक्यात व अंगावर जबर मारहाण केली. या हल्ल्यात गंभीर जखमी झाल्याने लाल बहादूर यांचा जागीच मृत्यू झाला. यानंतर आरोपींनी त्यांचा मृतदेह झाडीत टाकून पळ काढला.
एका आरोपीला बेड्या; दुसऱ्याचा शोध सुरू
या प्रकरणी राजेश रामललन गौतम यांनी दिलेल्या फिर्यादीवरून चिखली पोलीस ठाण्यात १० नोव्हेंबर रोजी रात्री गुन्हा दाखल करण्यात आला. पोलिसांनी तत्काळ कारवाई करत कमलेश शर्मा याला ताब्यात घेतले, तर कौशल कनोजिया हा घटनेनंतर फरार झाला आहे.
संशयित आरोपींवर भारतीय न्याय संहितेनुसार खुनाचा गुन्हा नोंदवला असून, फरार आरोपीच्या शोधासाठी पथके रवाना करण्यात आली आहेत. या प्रकरणाचा पुढील तपास चिखली पोलीस करत आहेत.
Comments (0)
Leave a Comment
No comments yet. Be the first to comment!